Një incident i dhunshëm familjar është regjistruar në Prishtinë, ku një person ka përfunduar në pranga nën dyshimin për sulm fizik ndaj ish-bashkëshortes së tij dhe partnerit aktual të saj.
Sipas informatave zyrtare nga Policia e Kosovës, rasti ka ndodhur mesditën e së hënës. Pas ndërhyrjes së policisë, i dyshuari është arrestuar dhe më pas është dërguar në mbajtje me vendim të prokurorit.
“Është arrestuar i dyshuari mashkull kosovar, pasi që i njëjti ka sulmuar fizikisht ish-bashkëshorten e tij viktimën femër kosovare dhe bashkëshortin e saj mashkull kosovar. Viktimat kanë pranuar tretman mjekësor, ndërsa i dyshuari me vendim të prokurorit dërgohet në mbajtje”, thuhet në raportin 24-orësh të PK-së.
Të dy personat e sulmuar kanë marrë trajtim mjekësor, ndërsa rasti po trajtohet nga organet kompetente.
