Dy automjete janë përfshirë në një aksident trafiku gjatë ditës së djeshme në një rrugë lokale në Zveçan, ku si pasojë një person ka mbetur i lënduar.
Sipas informatave zyrtare, aksidenti ka ndodhur mes dy veturave që po lëviznin në të njëjtin drejtim. I lënduari ka marrë ndihmë mjekësore, ndërsa dëmet materiale raportohet të kenë qenë të vogla.
Lidhur me rastin, autoritetet policore kanë dhënë sqarime për rrethanat e aksidentit.
“Dëmet janë të vogla, nuk ka pasur diçka të madhe. Dy veturat që kanë qenë duke ecur njëra pas tjetrës janë aksidentuar. Dyshohet se njëra prej veturave e ka goditur dheun që ka qenë në rrugë dhe tjetra që nuk ka mbajtur distancë e ka goditur këtë të parën”.
“Një person ka deklaruar se ka pësuar lëndime, dhe u dërgua për trajtim mjekësor”.
Rasti është evidentuar nga policia dhe po trajtohet sipas procedurave të rregullta.
