Futbolli afrikan është në prag të një reforme të rëndësishme që pritet të ndikojë drejtpërdrejt kalendarin dhe organizimin e garave kryesore në kontinent.
Presidenti i Konfederatës Afrikane të Futbollit (CAF), Patrice Motsepe, ka bërë të ditur se nga viti 2028, Kupa e Afrikës do të zhvillohet çdo katër vjet, duke u përafruar me modelin e Kampionatit Evropian.
“Ky vendim është pjesë e një ristrukturimi më të gjerë të futbollit afrikan,” – shpjegoi numri një i Konfederatës. “Qëllimi është ta bëjmë kalendarin më të harmonizuar në nivel botëror.”
Motsepe ka sqaruar edhe periudhën kalimtare të këtij ndryshimi, duke bërë të ditur se edicioni i vitit 2027 do të mbahet në Tanzani, Kenia dhe Ugandë, ndërsa turneu pasues do të organizohet në vitin 2028.
“Në vitin 2027 do të luajmë në Tanzani, Kenia dhe Ugandë, tre vendet pritëse. Kupa e Afrikës pasuese do të zhvillohet në vitin 2028,” tha ai.
Përveç kësaj, presidenti i CAF ka paralajmëruar edhe krijimin e një gare të re kontinentale, të ngjashme me Nations League në Evropë.
“Pas Kupës së Botës për Klube të vitit 2029, do të kemi Ligën e Kombeve Afrikane të parë. Do të jetë një kompeticion me më shumë burime, çmime më të larta dhe një nivel më të lartë konkurrence”, përfundoi Motsepe. /Gjurmuesi/
