Një operacion i realizuar së fundmi nga institucionet e rendit ka çuar në gjetjen e mbetjeve eshëtrore që dyshohet se u përkasin personave të zhdukur gjatë luftës në Kosovë.
Policia e Kosovës ka njoftuar se njësitë e Sektorit për Hetimin e Personave të Zhdukur gjatë Luftës, në bashkëpunim dhe koordinim me Institutin e Mjekësisë Ligjore, kanë zbatuar një urdhëresë gjyqësore në territorin e Rahovecit. Gjatë gërmimeve (eksumimit), janë gjetur mbetje eshëtrore që dyshohet se i përkasin të paktën një personi të zhdukur nga periudha e luftës 1998–1999.
Sipas raportit zyrtar, mbetjet janë tërhequr nga vendi i ngjarjes dhe janë dërguar në Institutin e Mjekësisë Ligjore për ekzaminime mjekoligjore, me qëllim identifikimin dhe sqarimin e rrethanave të rastit.
Raporti i plotë i Policisë:
Person i zhdukur
Rahovec / 1998–1999. Njësitë policore nga Sektori për Hetimin e Personave të Zhdukur gjatë Luftës në koordinim me Institutin e Mjekësisë Ligjore kanë realizuar një urdhëresë, ku gjatë gërmimit (eksumimit) kanë gjetur mbetje eshtërore, që dyshohet se i përkasin të paktën një personi të zhdukur në kohën e luftës në Kosovë. Mbetjet janë tërhequr nga vendi i ngjarjes dhe janë dërguar në IML për ekzaminime mjekoligjore.
