Në qendër të Shkupit u zhvillua një protestë e madhe e qytetarëve shqiptarë kundër gjykimit të ish-krerëve të UÇK-së në Hagë.
Mijëra pjesëmarrës kërkuan drejtësi për ish-presidentin Hashim Thaçi, ish-kryetarët e Kuvendit Jakup Krasniqi dhe Kadri Veseli, ish-deputetin Rexhep Selimi, si dhe për luftëtarë të tjerë të UÇK-së. Kjo tubim erdhi si vijim i protestave të mëparshme të organizuara në Prishtinë, Hagë, Tiranë dhe Strasburg.
Të katër ish-zyrtarët e lartë ndodhen në paraburgim në Hagë që nga viti 2020 dhe akuzohen për krime lufte dhe krime kundër njerëzimit gjatë luftës së fundit në Kosovë, akuza për të cilat ata janë deklaruar të pafajshëm. /Gjurmuesi/
