Një 19-vjeçar, i cili ishte raportuar si i zhdukur nga familjarët e tij në fshatin Brod të Shtërpcës një ditë më parë, është gjetur i vdekur në një livadh rreth një kilometër larg shtëpisë së tij.
Policia ka bërë të ditur se trupi i të riut është konstatuar pa shenja jete nga mjekët e Qendrës së Mjekësisë Familjare në Shtërpcë.
Familjarët kishin raportuar zhdukjen e tij më 10 dhjetor, duke thënë se 19-vjeçari kishte dalë nga shtëpia në mesnatë dhe nuk ishte kthyer më.
Ekipet e Policisë janë në vendngjarje dhe, nën autorizimin e prokurorit, po vazhdojnë hetimet për të përcaktuar rrethanat e ngjarjes. Operacioni i kërkim-shpëtimit është mbështetur edhe nga Shoqata e Kosovës për Kërkim dhe Shpëtim. /Gjurmuesi/
