Shorti për 1/8-ën e finales së Kupës së Kosovës në futboll është hedhur sot, duke përcaktuar përballjet që pritet të sjellin ndeshje interesante.
Ndeshjet kryesore të raundit janë Prishtina – Ballkani dhe Drita – Llapi, dy skuadra që secila ka fituar të paktën një herë trofeun e këtij kompeticioni.
Gjilani do të përballet me Lirinë, ndërsa Feronikeli 74’ do ta ketë përballë Dinamon. Drenica sfidon Ferizajn, Dukagjini ndeshet me Prishtinën e Re, Vushtrria me Vëllaznimin, dhe Trepça 89 pret Malishevën.
Të gjitha përballjet janë caktuar nga Federata e Futbollit të Kosovës, duke bërë që tifozët të presin me padurim përballjet e ardhshme. /Gjurmuesi/
