Një grup prej 24 pjesëtarësh të Njësive Speciale Operative ka përfunduar me sukses një trajnim të specializuar në “Aftësitë e veçanta policore operative”, duke marrë certifikimin përkatës pas një programi të zhvilluar nga një konsulent ndërkombëtar në bashkëpunim me OSBE-në.
Policia e Kosovës thekson se ky aktivitet synon të përmirësojë aftësitë profesionale dhe gatishmërinë operative të Njësive Speciale, duke ngritur standardet dhe kapacitetet e tyre në operacione të veçanta policore.
Trajnimi u organizua bazuar në nevojat e identifikuara nga vetë Njësitë Speciale dhe u mbështet nga ekspertë ndërkombëtarë të ofruar nga OSBE, partner strategjik i Policisë së Kosovës në zhvillimin e kapaciteteve specialistike. /Gjurmuesi/
