Gjatë një kontrolli të zhvilluar sot në një barnatore në Prishtinë, njësitë antikontrabandë të Doganës së Kosovës kanë zbuluar një sasi të madhe barnash që nuk janë të dokumentuara si produkt i importuar në mënyrë ligjore.
Sipas njoftimit zyrtar nga Dogana, barnat e gjetura mbajnë banderola të shteteve të huaja, por nuk kanë kaluar përmes rrugëve zyrtare të furnizimit dhe nuk janë futur në Kosovë në përputhje me procedurat doganore.
Ekspertët e Doganës paralajmërojnë se këto produkte përbëjnë një rrezik serioz për shëndetin e qytetarëve, pasi origjina, cilësia dhe kushtet e ruajtjes së tyre nuk janë të garantuara sipas standardeve të kërkuara. /Gjurmuesi/
