Arsenali mund të përballet me një gjobë prej 25,000 eurosh nga Federata Angleze e Futbollit pas barazimit 1-1 me Chelsean në “Stamford Bridge”. Ky ndëshkim vjen për shkak të disiplinës së skuadrës gjatë ndeshjes.
Gjatë sfidës së së dielës mbrëma, gjashtë lojtarë të Arsenalit – Martin Zubimendi, Cristhian Mosquera, Riccardo Calafiori, Piero Hincapie, Myles Lewis-Skelly dhe Viktor Gyokeres – u ndëshkuan me karton të verdhë. Sipas rregullores së FA-së, një ekip që grumbullon gjashtë ose më shumë kartonë të verdhë brenda një ndeshjeje gjobitet automatikisht.
Shuma prej 25,000 eurosh është ndëshkimi standard për herën e parë gjatë këtij sezoni. Nëse Arsenali përsërit shkeljen e limitit, gjoba do të dyfishohet në 50,000 euro, ndërsa çdo shkelje pasuese parashikon një gjobë shtesë prej 25,000 eurosh.
Megjithatë, pavarësisht numrit të kartonëve, skuadra e Mikel Artetës u konsiderua më e disiplinuar gjatë ndeshjes. Chelsea luajti me një lojtar më pak për gati një orë pas ndërhyrjes së ashpër të Moises Caicedos ndaj Mikel Merinos, duke vënë në pah kontrollin e mirë të Arsenalit në fushë. /Gjurmuesi/
