Komisioni Qendror i Zgjedhjeve ka vendosur organizimin e votimit në përfaqësitë diplomatike të vendit për datën 27 dhjetor 2025, duke miratuar qendrat dhe vendvotimet për këtë proces.
Sipas vendimit të KQZ-së, votimi do të zhvillohet në 50 përfaqësi diplomatike me gjithsej 66 vendvotime, të shpërndara në 36 shtete të botës. Lista e vendvotimeve mund të rishikohet në varësi të numrit të votuesve të regjistruar për të votuar në këto përfaqësi.
Komisioni ka vendosur gjithashtu një limit maksimal prej 950 votuesish për çdo vendvotim në përfaqësi diplomatike. Numri maksimal i votuesve që mund të regjistrohen për të votuar jashtë vendit është 62,700 persona. /Gjurmuesi/
