Një tragjedi e rëndë ka goditur Hong Kongun, ku një zjarr i madh që shpërtheu në disa ndërtesa banimi në lagjen Tai Po ka shkaktuar një numër të lartë viktimash.
Autoritetet lokale kanë konfirmuar se numri i të vdekurve ka arritur në 36 persona. Lajmi u bë i ditur të enjten nga kreu i qytetit, John Lee.
Sipas tij, të paktën 279 persona mbeten të zhdukur, ndërsa dhjetëra të tjerë kanë përfunduar në spital si pasojë e incidentit.
Në vendngjarje janë angazhuar më shumë se 700 zjarrfikës, të cilët po luftojnë me flakët në kompleksin Wang Fuk Court, një zonë banimi ku jetojnë rreth 4,600 njerëz. /Gjurmuesi/
