Jose Mourinho, trajneri i Benficës, ka shpërthyer sërish në kritika për mënyrën si po funksionon sistemi VAR në Portugali, duke vënë në dyshim vlefshmërinë e tij pas disa vendimeve që ai i cilësoi të papranueshme.
Portugezi, i cili e nisi sezonin me Fenerbahçen para se të merrte drejtimin e nënkampionëve të Portugalisë në shtator, ka shprehur hapur pakënaqësinë e tij me referimin në kampionat. Ai madje ka kërkuar që VAR të hiqet plotësisht nëse vazhdon të mos reagojë në situata të qarta.
“Nëse vazhdon kështu, s’ka sens ta mbajmë. Nëse nuk ndërhyn në një gabim të tillë, atëherë për çfarë ekziston?”, tha Mourinho, duke shtuar se nuk kishte asgjë më shumë për të komentuar.
Reagimi i tij erdhi pas barazimit të Benficës kundër Casa Pia-s, ku skuadra humbi pikë pas një goli të pësuar në fund të ndeshjes. Menjëherë pas sfidës, Mourinho kritikoi hapur edhe gjyqtarin e takimit për menaxhimin e saj. /Gjurmuesi/
