Në Qendrën Klinike Universitare të Kosovës është realizuar një operacion i rrallë në Klinikën e Ortopedisë, ku për herë të parë janë vendosur dy proteza supi.
Mjeku Bujar Shabani, duke folur në emisionin “Ora Shtatë”, e ka vlerësuar këtë arritje si një hap të madh për QKUK-n dhe për sistemin shëndetësor në vend. Ai ka theksuar se qytetarët e Kosovës tashmë nuk do të kenë nevojë të kërkojnë shërim jashtë vendit për këtë lloj patologjie, pasi mund të trajtohen brenda vendit.
Shabani ka shtuar se kjo ndërhyrje është sfiduese jo vetëm për ekipin vendas, por edhe për qendrat më të mëdha evropiane, duke e konsideruar fillimin e kësaj procedure në Kosovë si një sukses të rëndësishëm dhe të jashtëzakonshëm. /Gjurmuesi/
