Një aksident tragjik në Gjermani i ka marrë jetën një të riu 19-vjeçar me prejardhje nga Kosova. Viktima është identifikuar si Linor Krasniqi, nga fshati Drenoc i Malishevës.
Sipas burimeve lokale, i riu jetonte prej vitesh në Gjermani bashkë me familjen e tij, ku edhe kishte lindur. Ngjarja e rëndë ka tronditur komunitetin shqiptar atje, si dhe në Kosovë.
Kryetari i Komunës së Malishevës, Ekrem Kastrati, ka konfirmuar lajmin për vdekjen e Linor Krasniqit, duke shprehur ngushëllime për familjen dhe të afërmit e tij.
Autoritetet gjermane kanë nisur hetimet për të sqaruar rrethanat e sakta të aksidentit, ndërkohë që familja dhe komuniteti po përgatiten për ceremoninë e varrimit të të riut që humbi jetën tragjikisht në moshë të re. /Gjurmuesi/
