Sulmuesi kosovar Mërgim Berisha ka zyrtarizuar të ardhmen e tij në futbollin gjerman, duke u bërë pjesë e një skuadre të re, por pa u larguar nga Gjermania.
27-vjeçari ka përfunduar bashkëpunimin me Hoffenheim dhe karrierën do ta vazhdojë në Bundesliga 2, ku ka nënshkruar me Kaiserslauternin.
Marrëveshja mes klubeve parasheh që Hoffenheimi të mbajë një pjesë të konsiderueshme të kartonit të Berishës për një shitje të mundshme në të ardhmen, ndërkohë që sulmuesi është shprehur i kënaqur me hapin e radhës në karrierë.
“Jam shumë mirënjohës ndaj 1. FC Kaiserslautern që më dha mundësinë të provoj veten në një klub ambicioz në një mjedis shumë tërheqës”.
“Si futbollist, e njoh atmosferën në Betzenberg dhe fuqinë që mund të gjenerojë stadiumi, dhe mezi pres ta bëj. Dua ta bëj gjysmën e dytë të sezonit një sukses së bashku me ekipin dhe, mbi të gjitha, ta shpërblej besimin që menaxhmenti më ka dhënë me performancën time në fushë”, tha Mërgim Berisha pas prezantimit.
Te skuadra e re, Berisha do të mbajë fanellën me numër 20.
