Qeveria e Shqipërisë ka vendosur të hapë sërish aksesin në platformën TikTok, pas një pezullimi që kishte filluar më 6 mars të vitit të kaluar.
Vendimi është marrë gjatë mbledhjes së fundit të qeverisë, duke shfuqizuar masat e mëparshme të përkohshme për të parandaluar ndikimet negative të platformës online. Sipas dokumentit zyrtar, “Vendimi nr.151, datë 6.3.2025, i Këshillit të Ministrave, ‘Për marrjen e masave të përkohshme për shmangien e ndikimeve negative të platformës on-line TikTok’, shfuqizohet”.
Me këtë hap, përdoruesit shqiptarë do të kenë sërish qasje të plotë në TikTok, duke rikthyer mundësinë e përdorimit të platformës për përmbajtje dhe komunikim online.
