Një ngjarje e pazakontë e regjistruar brenda një supermarketi në Shtetet e Bashkuara ka tërhequr vëmendje të madhe në rrjetet sociale, duke u shpërndarë me shpejtësi.
Videoja shfaq një burrë duke hipur mbi kalë nëpër korridoret e një dyqani Target në Dallas të Teksasit, ndërsa klientët dhe punonjësit reagojnë të befasuar.
Në pamje, punonjësit e dyqanit duken të shqetësuar dhe përpiqen ta largojnë kafshën nga ambientet e brendshme. “Çfarë po bën? Dil nga dyqani”, dëgjohet të thotë një nga punonjësit e Target.
Pamjet kanë shkaktuar reagime të shumta në internet. Disa përdorues e kanë trajtuar incidentin me humor, ndërsa të tjerë kanë shprehur shqetësim, duke theksuar se futja e një kali në një hapësirë të tillë mund të ishte e rrezikshme dhe aspak e arsyeshme.
