Një veprim i thjeshtë dhe i paplanifikuar u kthye në një fitore të jashtëzakonshme për dy banorë të Illinoisit. Gjatë një rruge rutinë, ata vendosën të ndaleshin për të blerë një biletë lotarie, pa e imagjinuar se ky vendim do t’u ndryshonte jetën.
Dy miq nga qyteti Ashton, April dhe Randy, thanë se po shkonin për një vizitë te mjeku kur ndaluan dhe blenë një biletë Quick Pick, e cila më pas rezultoi fituese me një çmim prej 350,000 dollarësh.
“Ne ishim në vendin e duhur në kohën e duhur”, tha Randy. “Njerëzit gjithmonë na thoshin nuk do të fitoni kurrë, por ne qeshnim dhe thonim se një ditë do të arrijmë”, shtoi ai.
April tregoi se lajmi për fitimin u përhap shpejt, veçanërisht në ambientin e punës, ku reagimet ishin të shumta.
“Të gjithë në punë filluan të na përshëndesnin dhe të na uronin”, tha April.
Sipas dyshes, planet e tyre pas fitimit përfshijnë investime në prona, kursime për pension dhe pushime.
