Për herë të parë në më shumë se pesë dekada, një ekuipazh njerëzor do të nisë drejt Hënës. Administrata Amerikane e Aeronautikës dhe Hapësirës (NASA) ka planifikuar që më 6 mars të fillojë misioni “Artemis II”, një udhëtim historik rreth Hënës.
Ky mision do të përfshijë katër astronautë dhe pritet të zgjasë rreth 10 ditë, duke shkuar rreth Hënës dhe duke u kthyer në Tokë. Ai shërben si një hap përgatitor për një lëshim të mundshëm të ardhshëm drejt sipërfaqes së Hënës.
Pas disa testimeve të suksesshme, NASA ka caktuar këtë datë, duke shënuar kështu herën e parë që njerëzit do të fluturojnë pranë Hënës që nga misioni “Apollo 17” në vitin 1972.
