Vendimi i fundit për të anuluar një tjetër ndeshje evropiane që duhej të zhvillohej në Miami, Villarreal-Barcelona i komunikuar nga La Liga me një notë mjaft të ashpër dhe polemizuese, ka shërbyer si një argument për t’u mos u luajtur edhe ndeshja Milan-Como në Australi në fillim të shkurtit 2026.
UEFA, edhe pse ka theksuar me forcë se bëhet fjalë për një përjashtim të vetëm, ka dhënë tashmë mendim pozitiv për luajtjen në SHBA. Që propozimi të bëhet zyrtar, duhet ende të vijë drita e gjelbër nga FIFA, Federata Australiane e Futbollit dhe Konfederata Aziatike e Futbollit. Deri para pak kohësh, të gjitha këto miratime dukeshin thjesht një formalitet. Por më pas erdhën fjalët e presidentit të FIFA-s, Gianni Infantino, i cili e quajti ndeshjen Milan–Como në Perth si një “rrezik”.
Tani, sipas asaj që raporton The Guardian, AFC po përballet me presione të forta të jashtme për të mos e autorizuar ndeshjen dhe, për rrjedhojë, ekzistojnë dyshime serioze se Milan dhe Como do të përballen në Perth, në vend që të luajnë në Itali. Me fjalë të tjera, shkruan gazeta britanike, gjasat që Serie A të luajë një ndeshje 8.500 milje larg shtëpisë po zvogëlohen.
