Kryeministri i Kosovës, Albin Kurti, ka komentuar zhvillimet e fundit politike gjatë një konference për media, duke theksuar se organizimi i zgjedhjeve të reja nuk përbën zgjidhje për krizën aktuale. Ai vlerëson se një proces i tillë do të sjellë vetëm vazhdimin e bllokadave institucionale dhe legjislative.
“Përkundrazi do të jetë një lloj vazhdimi të agonisë legjislative, institucionale në përgjithësi, që është e panevojshme. Dhe së paku zgjedhjet do të kushtojnë nja 10 milionë euro….Për ta përsëritur rezultatin mund të ketë ndonjë lëvizje të vogël por unë nuk shoh diferenca të mëdha”, tha Kurti, duke e konsideruar të panevojshme një proces të ri zgjedhor që nuk do të sjellë ndryshime të rëndësishme.
