Shërbimi Spitalor, Klinik dhe Universitar i Kosovës (SHSKUK) ka nisur shpërndarjen e protezave të gjirit dhe sytjenave për pacientet e Klinikës së Onkologjisë. Ky aktivitet realizohet në kuadër të përkujdesjes për pacientet gjatë Muajit Rozë, periudhë kjo e dedikuar ndërgjegjësimit për kancerin e gjirit.
Protezat dhe sytjenat janë dhuruar nga Presidentja e Republikës, Vjosa Osmani, në bashkëpunim me Shoqatën “Jeta Vita”, duke mundësuar që pacientet të përfitojnë mbështetje praktike dhe të rëndësishme në trajtimin e tyre.
Shpërndarja e këtyre ndihmave do të bëhet çdo ditë pune, nga e hëna në të premte, në oraret 08:00 – 10:00, sipas njoftimit të publikuar nga SHSKUK në faqen e saj zyrtare në Facebook. /Gjurmuesi/
