Google ka prezantuar një shfletues të ri eksperimental, të quajtur Disco, i cili përdor inteligjencën artificiale për të transformuar përvojën e shfletimit në internet.
Ky shfletues nuk ka për qëllim të zëvendësojë Chrome, por shërben si një mjet testues për ide të reja lidhur me integrimin e AI-së. Përdoruesit mund të japin komanda, ndërsa Disco hap faqe relevante dhe krijon aplikacione të vogla interaktive, të cilat quhen GenTabs dhe funksionojnë me modelin AI të Google, Gemini 3.
Qëllimi është të lehtësohet bashkëpunimi midis tab-eve të zakonshme dhe AI-së, duke ofruar një vizion të mundshëm të ardhshëm të shfletimit në internet të mbështetur nga inteligjenca artificiale. /Gjurmuesi/
