Drejtoria e Shëndetësisë e Komunës së Prishtinës organizoi sot një aktivitet informues në kuadër të tetorit, i njohur si “muaji rozë”. Gjatë këtij aktiviteti u lansua një informator për gratë në moshën 18–40 vjeç, që përmban udhëzime për hapat që duhet të ndjekin për ekzaminimin e gjirit.
Ngjarja përfshiu edhe rrëfime personale nga gratë që kanë mbijetuar nga kanceri i gjirit, të cilat ndanë përvojat dhe sfidat e tyre me publikun, për të frymëzuar dhe për të rritur ndërgjegjësimin. /Gjurmuesi/
