Një 74-vjeçar nga India vendosi të testonte dashurinë dhe respektin e të afërmve të tij duke sajuar vdekjen e tij dhe duke organizuar një funeral të rremë.
Banorët e fshatit Konch në shtetin Bihar u tronditën nga lajmi për ndarjen e Mohan Lal, një ish-veteran i Forcave Ajrore. Megjithatë, ata morën pjesë në të gjitha ritualet tradicionale të funeralit, pa e ditur se gjithçka ishte një skenar.
Çasti që i la të gjithë pa fjalë ishte kur Mohan doli nga arkivoli, duke zbuluar se funerali ishte i sajuar. Ai shpjegoi se qëllimi ishte të shihte sa shumë respekt dhe dashuri i japin njerëzit: “Pas vdekjes, njerëzit mbajnë arkivolin, por unë doja ta përjetoja vetë këtë dhe të kuptoja ndjenjat e tyre,” tha ai. /Gjurmuesi/
