Boronicat konsiderohen ndër frutat më të shëndetshme për organizmin. Edhe pse janë të vogla në përmasa, ato përmbajnë një sasi të madhe vlerash ushqyese që ndikojnë pozitivisht në funksionimin e trupit dhe mendjes.
Falë përbërjes së pasur me vitamina, minerale dhe antioksidantë, boronicat ndihmojnë në mbrojtjen e organeve të rëndësishme si truri dhe zemra, ndërsa njëkohësisht ndikojnë në shëndetin e lëkurës dhe të syve.
Boronica ndihmon trurin dhe zemrën, mbron sytë dhe lëkurën, thotë studimi.
Antioksidantët që gjenden te boronicat, sidomos ato që rriten të egra në tokat shqiptare, janë aq të forta sa janë të afta për të neutralizuar radikalet e lira që lidhen me zhvillimin e disa sëmundjeve kardiovaskolare apo tumorale.
Pa yndyrna dhe me vetëm 84 kalori për një kupë, boronicat janë të pasura me fibra që të mbajnë të ngopur për një kohë të gjatë. Vetëm disa boronica përmbushin nevojën ditore për fibra.
Boronicat janë një burim i shkëlqyer manganezi, i cili luan një rol të madh në konvertimin e karbohidrateve dhe yndyrnave në energji.
Ato përmbajnë dhe shumë vitaminë C, e cila ndihmon në formimin e kolagjenit dhe ndihmon për të pasur mishrat e dhëmbëve të shëndetshëm.
Gjithashtu boronicat, së bashku me luleshtrydhet mendohet se kanë një ndikim shumë pozitiv në uljen e rrezikut të sëmundjeve kardiake tek femrat.
Konsumi i boronicave mund të zvogëlojë dëmin që ndodh në nivel molekular, duke minimizuar dhimbjet dhe reduktuar uljen në performancën e muskujve.
