Një operacion i Policisë së Kosovës ka përfunduar me arrestimin e dy personave të dyshuar për posedim të substancave narkotike. Gjatë kontrollit të realizuar ndaj tyre dhe në vendbanimin përkatës, autoritetet kanë konfiskuar një sasi të konsiderueshme mjetesh dhe provash materiale.
Sipas njoftimit, rasti ka ndodhur të premten rreth orës 15:05.
“Janë arrestuar dy të dyshuar meshkuj kosovarë, pasi që gjatë kontrollit të tyre dhe vendbanimit të tyre janë gjetur dhe sekuestruar: 1386.94 gramë substancë narkotike e llojit marihuanë, dy peshore, para, një veturë, një thikë dhe një boks metali”, thuhet në raport.
Me vendim të prokurorit, dy të dyshuarit janë dërguar në mbajtje.
