Apple ka prezantuar versionin më të ri të MacBook Pro 14-inç, i cili këtë herë vjen i pajisur me çipin më të avancuar të kompanisë, M5. Ky model sjell një përmirësim të dukshëm në performancë, efikasitet dhe kapacitete të Inteligjencës Artificiale.
Çipi M5 ofron deri në 3.5 herë më shumë fuqi në përpunimin e detyrave që lidhen me AI, si dhe deri në 1.6 herë grafikë më të shpejtë krahasuar me gjeneratën e kaluar. Ai përfshin një CPU më të shpejtë, një Neural Engine të përmirësuar dhe mbështetje për më shumë memorie, duke e bërë punën me aplikacione të rënda apo modele të mëdha gjuhësore më të lehtë dhe më të shpejtë.
Bateria e MacBook Pro të ri ofron deri në 24 orë përdorim, ndërsa SSD-ja e optimizuar mundëson transferim më të shpejtë të skedarëve të mëdhenj.
Sa i përket përvojës vizuale dhe audio, pajisja përfshin ekranin Liquid Retina XDR me opsion nano-texture, një kamerë 12MP me funksionin Center Stage dhe sistemin gjashtë altoparlantësh për cilësi të lartë zëri. Gjithashtu, ofron një sërë portesh për lidhje të shumëfishta dhe fleksibilitet më të madh në përdorim. /Gjurmuesi/
