Ambasada e Kosovës në Abu Dhabi ka bërë një thirrje për të gjithë qytetarët që ndodhen ose kanë qenë në Emiratet e Bashkuara Arabe, që të njoftojnë institucionin nëse janë larguar nga vendi me iniciativë personale.
Ky apel synon veçanërisht qytetarët – vizitorë të përkohshëm apo rezidentë – të cilët më parë janë regjistruar për mundësinë e evakuimit emergjent, por tashmë janë larguar nga territori i Emirateve të Bashkuara Arabe.
Ambasada kërkon që qytetarët të informojnë sa më shpejt institucionin mbi vendndodhjen e tyre aktuale jashtë shtetit, në mënyrë që të përditësohet dhe të saktësohet lista e personave të regjistruar për evakuim.
Njoftimi mund të bëhet përmes:
Emailit: [email protected]
Numrit emergjent: +971 54 709 2109
Sipas ambasadës, ky hap do të ndihmojë në organizimin e veprimeve të mëtejshme dhe në menaxhimin më të saktë të listës së qytetarëve të paraqitur. Institucioni falënderon qytetarët për bashkëpunimin dhe mirëkuptimin e treguar.
