Një aksident me pasoja fatale ka ndodhur rreth orës 00:50 në rrugën “Shefki Kuleta” në Fushë Kosovë, ku një person i moshës 85 vjeç humbi jetën pasi u godit nga një veturë.
Viktima, Isuf Obrazhda, u dërgua për trajtim në Qendrën Klinike Universitare të Kosovës për shkak të lëndimeve të rënda. Megjithatë, rreth orës 06:00 të mëngjesit, stafi mjekësor konfirmoi vdekjen e tij.
Me urdhër të Prokurorit kujdestar, trupi i pajetë i viktimës iu dorëzua familjarëve, ndërsa rasti po trajtohet nga organet kompetente si aksident komunikacioni me fatalitet. Hetimet janë duke vazhduar për të sqaruar të gjitha rrethanat e ngjarjes.
Ceremonia e varrimit të 85-vjeçarit do të mbahet më 26 dhjetor, duke filluar nga ora 12:00, në varrezat e qytetit të Prishtinës.
