Qeveria në detyrë në mbledhjen elektronike të mbajtur sonte ka miratuar vendimin për emërimin e Bordit Drejtues të Shërbimit Spitalor Klinik dhe Universitar të Kosovës.
Burime të gazetares së Klan Kosovës, Arbreshë Uka mësojnë se përbërja e bordit të ri të SHSKUK-së që u miratua sonte është: Faik Shatri, përfaqësues nga QKUK, Tetore Olloni – përfaqësuese nga QKSUK, Ardita Baraku – përfaqësuese nga IKShPK, Osman Hajdari – përfaqësues nga Spitalet e Përgjithshme, Mentor Sadiku, përfaqësues nga Ministria e Shëndetësisë.
Pjesë e këtij bordi është edhe Vjollca Zeqiri nga kujdesi parësor.
Ndërkaq, njëra nga anëtaret: Tetore Olloni përpos në këtë përbërje të re ishte edhe pjesë e bordit paraprak.
Klan Kosova ka raportuar rreth zhvillimeve rreth Bordit të Shërbimit Spitalor Klinik dhe Universitar të Kosovës.
