Banorët e Gotham u habitën së fundmi nga një treshe dritash të ndritshme që dukeshin se qëndronin pezull në qiell, duke ndezur teoritë e konspiracionit dhe dyshimet për natyrën e tyre.
“Dola nga shtëpia ime në Corona, Queens, dhe shikova lart drejt asaj që mendova se ishte një yll që binte, por pastaj dy të tjerë iu bashkuan”, tha Charlie Correa.
“Ata dukeshin sikur po ndiqnin njëri-tjetrin”, shtoi ajo.
Pamjet tregojnë dritat që lëvizin në një formacion kryesisht trekëndësh, ndërsa banorët nisën të pyesin nëse bëhej fjalë për UFO, aeroplanë apo trupa qiellorë.
Pas incidentit, Zyra e Pentagonit për Zgjidhjen e Anomalive në të Gjitha Domenet (AARO) reagoi me një deklaratë, duke theksuar: “Është e rëndësishme të theksohet se, deri më sot, AARO nuk ka zbuluar asnjë provë të qenieve, aktivitetit apo teknologjisë jashtëtokësore”.
