Deputeti i Lidhjes Demokratike të Kosovës, Avdullah Hoti, ka ngritur shqetësimin për rritjen e inflacionit në vend, duke theksuar se kjo po ndikon drejtpërdrejt në gjendjen ekonomike të qytetarëve. Sipas tij, shtrenjtimi i vazhdueshëm i çmimeve po ul fuqinë blerëse të familjeve.
Ai gjithashtu ka theksuar se ekonomia e vendit po përballet me mungesë të konsiderueshme të investimeve publike, veçanërisht në projektet kapitale, të cilat sipas tij kanë ndikim të madh në zhvillimin ekonomik.
Deputeti i Lidhjes Demokratike të Kosovës, Avdullah Hoti ka thënë sot se edhe në muajin e fundit është rritur inflacioni në vend, gjersa po i gërryen të ardhurat familjare.
Deputeti Hoti në një postim në Facebook shkruan se ekonomisë i mungojnë qindra miliona euro, ngase shpenzimet kapitale nga ana e shtetit mungojnë dhe kjo sipas tij, pasi projektet madhore infrastrukturore, ku shpenzohen shuma të mëdha me ndikim zinxhiror në ekonomi, kanë ngecur ose nuk kanë nisur fare.
