Kryeministri i Kosovës, Albin Kurti, ka dalë në një konferencë për media pas zhvillimeve të fundit politike në vend. Ai ka komentuar situatën aktuale dhe diskutimet që po zhvillohen rreth mundësisë së mbajtjes së zgjedhjeve të reja.
Gjatë fjalës së tij, Kurti u ndal te qëndrimet e partive politike dhe dinamika e fundit në skenën politike, duke theksuar se kohët e fundit po vërehet një interes më i madh për shkuarje në zgjedhje.
“Unë më herët kam parë gatishmëri për zgjedhje, por jo zell, tash po shoh edhe zell, për zgjedhje të reja, që do të na marrin kohë më shumë, do të jenë zgjedhje, por nuk e shoh si do të jenë zgjidhje. Nuk mund të presim të fillojmë zgjedhjet e reja, në fushata të përsëritura, që tash duhet të themi që unë i marr 80 deputetë së paku”.
