Lidhja Demokratike e Kosovës vlerëson se vendi nuk ka nevojë për zgjedhje të reja në këtë moment politik. Pas një takimi të zhvilluar ndërmjet kryetarit Lumir Abdixhiku dhe deputetëve të partisë, qëndrimi i LDK-së u bë i ditur para mediave.
Besian Mustafa deklaroi se brenda partisë ekziston një qëndrim i unifikuar lidhur me situatën aktuale politike. “Qëndrimi i përbashkët është se zgjedhjet janë të evitueshme, të shmangshme dhe panevojshme në këtë fazë në të cilën është republika jonë”, ka thënë Mustafa.
Ai shtoi gjithashtu se deri më tani nuk është diskutuar për emra konkretë sa i përket presidentit të ri të vendit.
