Apple kishte shpresuar se viti 2025 do të shënonte një sukses për telefonin e saj të mesëm, por iPhone më i hollë i të gjitha kohërave, iPhone Air, nuk po arrin pritshmëritë. Pasi përjetoi dështime me mini-iPhone dhe versionin jo-Pro të Pro Max, kompania shpresonte që modeli ultra i hollë të ndryshonte situatën, por realiteti duket se është tjetër.
Sipas raportimeve nga gazeta koreano-jugore The Elec, Apple do të ulë prodhimin e iPhone Air me 1 milion njësi për shkak të kërkesës më të ulët se sa ishte pritur. Ky iPhone, megjithëse më i hollë në historinë e kompanisë, nuk ka tërhequr konsumatorët siç pritej.
Ndërkohë, tre modelet e tjera të linjës 17 po regjistrojnë interes të lartë nga blerësit. Apple ka vendosur të rrisë prodhimin e iPhone 17 me dy milion njësi. iPhone 17 Pro dhe iPhone 17 Pro Max pritet të rrisin prodhimin përkatësisht me një milion dhe katër milionë njësive, duke reflektuar popullaritetin më të madh të këtyre modeleve në treg.
Kompania po balancohet kështu mes një modeli që nuk po shitet sipas pritshmërive dhe modeleve të tjera që tërheqin më shumë konsumatorë, duke rishikuar strategjinë e prodhimit për të maksimizuar suksesin e linjës së saj të re. /Gjurmuesi/
