Një histori që preku miliona njerëz në rrjete sociale ka marrë një kthesë pozitive. Punch, një majmun i vogël japonez, i cili u bë viral pasi u pa duke përqafuar një orangutang lodër që i ishte dhënë si zëvendësim për nënën e tij, tashmë ka nisur të gjejë vendin e tij mes të njëjtit lloj.
Majmuni i vogël, që jeton në Kopshtin Zoologjik të qytetit Ichikawa, u braktis nga nëna dhe për një kohë të gjatë u pa duke tërhequr zvarrë lodrën e tij dhe duke luajtur me të. Pamjet e tij prekën zemrat e shumë njerëzve, ndërsa gjatë muajve të parë të jetës ai hasi vështirësi për t’u lidhur me majmunët e tjerë në kopsht.
Megjithatë, situata ka ndryshuar. Punch është parë së fundmi duke u përqafuar nga një prej majmunëve të tjerë, një moment që konsiderohet domethënës për integrimin e tij.
Përqafimi mes majmunëve shihet si shenjë e besimit dhe si shenjë që një majmun po pranohet në grup. Për Punchin kjo domethënë se po njihet nga trupa, derisa ka nxitur reagime emocionale nga përdoruesit e rrjeteve sociale që e kanë ndjekur qysh nga fillimi.
