Barcelona ka regjistruar numrin më të madh të vendimeve të pasakta nga VAR-i në La Liga deri në javën e 24-të, me gjithsej dhjetë raste që kanë ndikuar në rrjedhën e sezonit për ekipin katalanas.
Gabimi më i fundit u regjistrua gjatë ndeshjes Girona – Barcelona, duke theksuar sërish ndikimin e vendimeve teknologjike. Nga dhjetë gabimet e përgjithshme, tre lidhen me sistemin gjysmë-automatik të pozicionit jashtë loje, që do të thotë se gjysma e gabimeve teknologjike të sezonit kanë prekur vetëm këtë skuadër.
Kjo statistikë e bën Barcelonën më të dëmtuarën, jo vetëm nga vendimet e gjyqtarëve, por edhe nga defektet teknologjike. Pas saj, renditen Real Madrid dhe Real Sociedad, secila me pesë gabime, megjithëse ndikimi në renditje nuk ka qenë i njëjtë. Real Sociedad ka humbur pesë pikë për shkak të këtyre gabimeve, ndërsa Real Madrid është përballur më shumë me vendime të diskutueshme sesa humbje pikësh.
Pas këtyre skuadrave, një grup tjetër përfshin Getafen, Real Betisin, Rayo Vallecanon, Espanyolin dhe Deportivo Alaves, të cilat ndajnë të njëjtin nivel të gabimeve të VAR-it deri tani në këtë fazë të kampionatit.
