Senegali është përfshirë nga një re e dendur pluhuri me origjinë nga Shkretëtira e Saharasë, duke ndikuar ndjeshëm në territorin e vendit. Autoritetet paralajmërojnë se cilësia e ajrit është përkeqësuar dhe po kërcënon shëndetin e qytetarëve.
Sipas mediave ndërkombëtare, reja ka mbuluar pjesë të mëdha të vendit, duke shkaktuar shqetësim të madh për autoritetet vendase.
Agjencia Kombëtare për Aviacionin Civil dhe Meteorologjinë ka lëshuar alarmin dhe ka bërë thirrje që qytetarët të kufizojnë daljet nga shtëpia.
“Nëse detyroheni të dilni jashtë, duhet të përdorni maskë mbrojtëse për të shmangur problemet shëndetësore,” thuhet në njoftimin zyrtar, duke theksuar rrezikun që paraqet kjo situatë për shëndetin publik.
