Një aksident me pasoja fatale është regjistruar të martën në autostradën “Ibrahim Rugova”, ku një grua ka humbur jetën si pasojë e plagëve të marra.
Sipas të dhënave zyrtare, në aksident ishte i përfshirë vetëm një automjet, ndërsa tre persona kanë pësuar lëndime trupore. Viktima, e cila ishte pasagjere, nuk ka arritur t’u mbijetojë plagëve.
Policia njoftoi se trupi i pajetë është dërguar në Institutin e Mjekësisë Ligjore (IML) për obduksion, ndërsa shoferi i automjetit po vazhdon trajtimin mjekësor.
“Raportohet për një vetë aksident trafiku me drejtues të veturës mashkull kosovar. Lëndime trupore kanë pësuar drejtuesi i veturës i cili mbetet në tretman mjekësor, si dhe dy pasagjeret kosovarë, ku si pasoje e plagëve ka ndërruar jete viktima femër kosovare. Me vendim të prokurorit trupi i pa jetë i viktimës është dërguar në IML për Obduksion”, thuhet në njoftimin e policisë.
