Në kuadër të aktiviteteve për shënimin e 18-vjetorit të Pavarësisë së Republikës së Kosovës, Filarmonia e Kosovës do të ngjitet sonte në skenë me një koncert solemn të realizuar nga Kori dhe Orkestra e saj.
Mbrëmja muzikore do të drejtohet nga dirigjenti Baki Jashari, ndërsa si solistë do të paraqiten Betim Krasniqi në trombon dhe Vendim Kapaj në fyell, me titullin “Mjeshtër i Madh”.
Programi artistik përfshin uverturën nga opera Nabucco, veprën “Gloria” të John Rutter, si dhe tri vepra premierë nga Aleksandër Vezulli, Aulon Naçi dhe “Numquam Iterum – Lamenti i Nënës” nga Valton Beqiri, e komisionuar nga Filarmonia e Kosovës.
Koncerti do të mbahet në Sallën e Kuqe të Pallatit të Rinisë dhe Sporteve në Prishtinë, me fillim në orën 20:00.
