Në rajonin malor të Rugovës gjenden dhjetëra shpella, disa prej të cilave janë hulumtuar, ndërsa shumë të tjera mbeten ende të paeksploruara.
Gjatë një vizite në shpellën e njohur si “Gërshërët e Zeza”, Milot Hasimja dhe Fatos Katallozi zbuluan se, sipas studimeve, kjo shpellë mund të jetë formuar para rreth 1 milion vjetësh.
Hasimja theksoi se bazuar në gjetjet arkeologjike, në këtë shpellë janë zbuluar eshtra që nuk i përkasin njeriut, por një specie kafshe që nuk ekziston më në Kosovë.
Ndërkaq, Katallozi bëri të ditur se analizat laboratorike të një dhëmbi ariu të lashtë, të gjetur në këtë shpellë dhe të studiuar në Gjermani, kanë treguar se kafsha ka jetuar rreth 42 mijë e 800 vjet më parë. /Gjurmuesi/
