Institucionet e reja të Kosovës pritet të marrin formë nga nesër, pasi Presidentja Vjosa Osmani ka caktuar mbajtjen e seancës konstituive të Kuvendit të Kosovës.
Sipas njoftimit zyrtar, seanca do të mbahet të martën, më 11 shkurt 2026, duke filluar nga ora 12:00.
Vendimi është marrë pas konsultimeve me shumicën e partive parlamentare të përfaqësuara në Kuvend, si dhe duke pasur parasysh nevojën urgjente për funksionalizimin e institucioneve shtetërore.
“Pas konsultimit me shumicën e partive parlamentare të përfaqësuara në Kuvend dhe duke pasur parasysh urgjencën e krijimit të institucioneve, miratimit të buxhetit dhe marrëveshjeve ndërkombëtare, në përputhje me Kushtetutën dhe legjislacionin në fuqi, Presidentja ka vendosur që seancën konstituive të Kuvendit ta ftojë për nesër, më 11 shkurt 2026, në orën 12:00”, thuhet në njoftim të Presidencës.
