Rreth 30 infermierë të Qendrës Kryesore të Mjekësisë Familjare në Malishevë nuk kanë përfituar pagat e tyre për tre muaj rresht, pavarësisht punës që kryejnë në shërbim të pacientëve.
Sipas informacioneve, pagesat e tyre bëhen përmes një kompanie që bashkëpunon me komunën, por deri tani nuk dihet nëse Komuna e Malishevës ka ndërmarrë ndonjë veprim për të zgjidhur këtë problem.
Infermierët kanë bërë të ditur se kjo situatë vazhdon prej rreth katër vitesh dhe arsye për këtë u është dhënë mungesa e buxhetit, e cila lidhet me punimet e ndryshme në komunë. Kjo situatë ka shkaktuar shqetësim të madh mes stafit mjekësor, i cili vazhdon të kryejë detyrat pa kompensim të rregullt financiar.
