Qytetarët e Skenderajt do të përballen me ndërprerje të përkohshme të furnizimit me ujë të pijshëm, ka bërë të ditur Kompania Rajonale e Ujësjellësit “Mitrovica”.
Sipas njoftimit të kompanisë në rrjetin social Facebook, arsyeja e ndërprerjes është një defekt në gypin kryesor të furnizimit, i cili ndodhet në Kllinën e Mesme.
KRU “Mitrovica” ka kërkuar mirëkuptim nga qytetarët deri në përfundimin e punimeve për sanimin e defektit dhe rikthimin e furnizimit normal me ujë.
