Një burrë rreth 50-vjeç është gjetur i pajetë nga familjarët e tij më 7 shkurt në fshatin Bilinicë të Gjilanit.
Valon Osmani, zëdhënës i Policisë për Gjilanin, tha se informacioni u pranua rreth orës 12:20 dhe njësitet policore së bashku me ekipin mjekësor kanë dalë menjëherë në vendngjarje, ku mjeku kujdestar ka konstatuar se personi nuk ka shenja jete.
Hetimet për të sqaruar rrethanat po kryhen nga Njësia për Hetime Rajonale në Gjilan, në koordinim me Prokurorin e Shtetit. Trupi i viktimës është dërguar në Institutin e Mjekësisë Ligjore për obduksion me urdhër të prokurorit.
