Kampionati spanjoll LaLiga rikthehet me xhiron e 23-të, ku sfidat kryesore pritet të tërheqin vëmendje të madhe. Kulminacioni i kësaj jave do të jetë në Camp Nou, ku Barcelona do të përballet me Mallorca.
Sulmuesi i kombëtares së Kosovës, Vedat Muriqi, kërkon të shënojë ndaj skuadrës “Blaugrana” dhe të forcojë gjasat e skuadrës së tij për mbijetesë në elitën e futbollit spanjoll. Deri tani, Muriqi ka regjistruar 15 gola këtë sezon.
Një tjetër duel i rëndësishëm zhvillohet në “Mestalla”, ku Real Madridi do të vizitojë Valencian, që po kalon një periudhë të vështirë.
“Los Blancos” synojnë vetëm fitoren, duke u mbështetur te forma e jashtëzakonshme e Kylian Mbappe.
