Gjatë kontrollit rutinë në Pikëkalimin Kufitar Vermicë, Dogana e Kosovës ka ndaluar një automjet për një kontroll të detajuar, ku është zbuluar mall i padeklaruar.
Në automjet janë gjetur dhe sekuestruar katalizatorë të bluar me peshë totale 102.10 kg, me vlerë të përafërt rreth 8,000 euro. Rasti po trajtohet si kundërvajtje doganore për mosdeklarim të mallit, në përputhje me legjislacionin në fuqi.
“Dogana e Kosovës vazhdon me përkushtim zbatimin e masave të kontrollit, me qëllim të parandalimit të veprimtarive të kundërligjshme në pikat kufitare”, thuhet në njoftimin zyrtar.
