Skuadra e Rahovecit 029 ka bërë të ditur afrimin e një lojtari të ri në repartin e brendshëm, duke shtuar në përbërje një basketbollist me shtatlartësi dhe përvojë ndërkombëtare. Klubi ka zyrtarizuar transferimin e qendrës amerikane Naheem McLeod, i cili është 224 centimetra i gjatë.
McLeod vjen në Rahovec pas angazhimit të tij të fundit në basketbollin kinez, ku ishte pjesë e ekipit Jiangxi Ganchi në Ligën e Parë. Në këtë aventurë, ai pati minuta të kufizuara në parket, duke regjistruar mesatarisht 2 pikë për ndeshje.
Në të kaluarën, qendra amerikane ka ndërtuar karrierën e tij në basketbollin universitar të Shteteve të Bashkuara, duke qenë pjesë e dy programeve të njohura kolegjiale: Florida State Seminoles dhe Syracuse Orange.
